غور کې چارواکي وايي چې د دغه ولایت «هریرود سیند» ته د یوه پلانکوچ ډوله موټر د لوېدو له امله دوه کسان مړه شوي دي.
پېښه بېګاه شپه د فیروزکوه ښار د دره قاضي په نوم سیمه کې رامنځته شوې.
د سلاموطندار پښتو فېسبوکپاڼه وڅارئ
د غور امنیې قومنداني ویاند عبدالرحمن بدر سلاموطندار ته وویل: «بېګاه شپه یو پلانکوچ ډوله موټر چې له هرات څخه غور ته روان و، د فیروزکوه ښار دره قاضي سیمه کې هریرود سیند ته لوېدلی دی.»
د یادو دوو کسانو جسدونه له سیند رااېستل شوي او روغتون ته لېږدول شوې دي. د غور امنیې قومنداني ویان په وینا، تراوسه معلومه نهده چې دې موټر څو کسان سپاره وو.
د غور امنیتي مسوولانو د یادې پېښې لامل د موټرچلوونکي بېاحتیاطي او د سړک خرابوالی په ګوته کړی دی.
له دې وړاندې هم دغه ولایت او د هېواد په نورو سیمو کې هم ورته پېښې رامنځته شوي چې تر ډېره یې لامل د موټرو چلوونکي بېاحتیاطي، د سړکونو خرابوالی او له ټرافیکي قوانینو سره د موټرچلوونکو نه بلدتیا ښودل شوې.