د ترکيې يوه خيريه بنسټ د پکتیا مرکز ګردېز ښار کې د ۳۵۵زره امریکایي ډالرو په لګښت یوې دیني مدرسې ته ودانۍ جوړه او ګټېاخیستنې ته وسپارل شوه.
د پکتيا مرکز ګردېز کې د ترکيې IDDEF خيريه بنسټ لهخوا په ګردېز ښار کې د شمسالعلوم په نوم يوې ديني مدرسې ته د ۳۵۵زره امريکايي ډالرو په لګښت ودانۍ جوړه او ګټېاخيستنې ته یې سپارلې.
د سلاموطندار پښتو فېسبوکپاڼه وڅارئ
د یادې دیني مدرسې مسوول قاري روحالله ابوعبیده وویل چې یاده ودانۍ د ترکیې د یوه خیریه بنسټ او سوداګرو په مرسته جوړه شوې.
د هغه په وینا، په یاده دیني مدرسه کې به تر ډېره د سرپرست حکومت او د تېر نظام یتیم ماشومان به پهکې زدهکړې کوي.
نوموړي زیاته کړه، یاده وداني په څلورو پوړونو کې جوړ شوی چې د نهه درسيخونو ترڅنګ د لیلې لپاره ۲۸ اطاقونه او نورې اړینې اسانتیاوې پهکې برابرې شوې دي.
هغه وویل چې یاد ترکیي بنسټ یوازې د ودانۍ جوړولو برخه کې ورسره همکاري کړې او په راتلونکي کې د مدرسې ټول لګښت په خپل شخصي لګښت کوي.
د یادې مدرسې زدهکونکي بیا خوښ دي چې د زدهکړو لپاره ورته په اساسي، ډول یوه ودانۍ جوړه شوه او د ودانۍ په جوړېدو سره به د زدهکړو په برخه کې ورته ډېرې اسانتیاوې رامنځته شي.
تر دې وړاندې هم د ترکیې هیواد د خیریه بنستونو په مرسته پکتیا کې یو مسجد او یو دارلایتام جوړ شوي و.