د پکتيا امنيه قومنداني مسوولان وايي چې څمکنيو ولسوالي کې د يوې کورنۍ درې ځوانان د فاضلهموادو «سپټیک څاه» ته تر لوېدو وروسته د ګاز نيونې له امله مړه شوي دي.
د امنيه قومنداني وياند منيب ځدراڼ وايي چې ياده پېښه نن شنبه، زمري ۲۰مه د څمکنيو ولسوالي اړوند ستر کلي کې رامنځته شوې.
د سلاموطندار پښتو فېسبوکپاڼه وڅارئ
د ځدراڼ په وينا، لومړی يو کس سپټیک څاه ته ورښکته شوی چې ګازنيولی او وروسته نور دوه کسان هم يو پر بل پسې د ژغورنې لپاره څاه ته ورښکته شوي چې درې واړه د ګازنيونې له امله مړه شوي دي.
په مړو شويو کې دوه وروڼه او بل يې، د تره زوی دی.
د امنيه قومنداني وياند منيب ځدراڼ زیاته کړه چې څلورم کس په مسموم وضعیت کې روغتون ته وړل شوی او روغتیايي وضعیت يې، د ډاډ وړ ښودل شوی دی.
پکتيا کې دا د خپل ډول لومړۍ پېښه ده چې رامنځته کېږي.