د پکتیکا امنیه قومنداني څخه په خپره شوې خبرپانه کې ویل شوي چې د نشهيي توکو پر وړاندې د مبارزې مدیریت منسوبينو د سوالګرو د راټولولو پرمهال دری سوالګر له (۹۲۱۵۰) پاکستانۍ کلدارو او (۷۹۲۰) افغانیو سره نیولي دي.
خبرپانه کې زياته شوې چې له لومړي کس سوالګر څخه چې د وړممۍ ولسوالي اوسېدونکی دی (۷۵۰۰۰) پنځه اويا زره کلدارې او (۲۹۲۰) افغانۍ ترلاسه شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه له دويم کس څخه (۱۱۱۴۰) یولس زره يوسل څلوېښت کلدارې او (۳۶۴۰) درې زره شپږسوه څلوېښت افغانۍ ترلاسه شوې دي.
له درېیم سوالګر څخه (۶۰۱۰) شپږزره لس کلدارې او (۱۳۶۰) يوزرو دری سوه شپېته افغانۍ ترلاسه شوې دي.
نيول شوي سوالګر به له تثبت څخه وروسته اړوند ارګانونو ته وسپارل شي.