د پکتـيا امنيه قومنداني مسوولان وايي، د نشهيي توکو پر ضد منسوبينو «شنبه، سلواغې ۲۰مه» د ډنډېپټان ولسـوالي اړوند په ستیا سیمه کې څه باندې درې زره ټابلين ګولۍ نیولي دي.
پکتيا امنيه قومنداني څخه په استول شوې خبرپاڼه کې راغلي چې دغه نشهيي ګولۍ له پاکستان، هېواد ته راوړل شوې وې چې زرنج موټرسایکل کې د لېږد پرمهال نیول شوي.
د سلاموطندار پښتو فېسبوکپاڼه وڅارئ
خبرپانه زیاتوي چې د یادو نشهيي توکو ګولیو د لېږد په تور درې کسان هم نیول شوي دي.
له دې سربېره په څمکنـیو ولسـوالي کې هم د نشهیي توکو پر وړاندې مبارزې امریت له ٥٦ ټابلين ګولیو سره یو کس لاس په لاس نیولی دی.
له دې وړاندې هم دغه ولایت کې د نشهيي توکو لېږد، قاچاق، تولید او خرڅلاو په تور ځینې کسان نیول شوي دي.