بغلان کې ولسي سرچینې وايي چې د دغه ولایت مرکز پلخمري ښار اړوند سیمه کې په یوه جومات کې دننه درنه چاودنه شوې ده.
ویل کېږي چې چاودنه نن جمعه «تلې ۲۱» هغه مهال شوې چې یاد جومات کې خلک د جمعې پر لمانځه بوخت وو.
تراوسه د چاودنې څرنګوالی نه دی روښانه شوی.
یوې روغتیايي سرچینې سلاموطندار ته ویلي چې د چاودنې له ځایه روغتون ته جسدونه او ټپیان وروړل شوي دي.
پر ټولنیزو رسنیو د یادې چاودنې د خپرو شویو تصویرونو څخه ښکاري چې چاودنه زوروره او مرګژوبله هم لري، خو د کره شمېر په اړه یې تراوسه معلومات نهدي خپاره شوي.
سلاموطندار پر ټویټر هم وڅارئ
تراوسه د بغلان محلي مسوولانو په دې اړه رسنیو ته څه نه دي ویلي.