د اروپا ملتونو فوټبال جام سیالیو په دویمه نیمه پایلوبه کې نن د انګلستان فوټبال ملي لوبډله له نیدرلندز سره سیالي کوي.
ټاکل شوې چې یاده لوبه نن شپه د افغانستان پر وخت ۱۱:۳۰ بجې د جرمني د سیګنال اېډېنا پارک لوبغالي کې پیل شي.
د سلاموطندار پښتو فېسبوکپاڼه وڅارئ
د یادو سیالیو په لومړۍ نیمه پایلوبه کې چې تېره شپه وشوه، اسپانیا لوبډلې فرانسې ته ماته ورکړه او پایلوبې ته ووتله. اسپانیا په دې لوبه کې فرانسې ته ۲-۱ ماته ورکړه.
نیدرلنډز لوبډلې د یاد جام د اتو غوره لوبډلو پړاو کې ترکیې ته ۲.۱ ماته ورکړه او نیمه پایلوبې ته یې لاره پیدا کړه. انګلستان بیا د اتو غوره لوبډلو پړاو کې سویزرلنډ ته په پنالټیو کې ۵-۳ ماته ورکړه او نیمه پایلوبې ته راورسېده.
د یادې لوبې ګټونکې لوبډله به په پایلوبه کې اسپانیا سره سیالي وکړي. پایلوبه به د روانې جولای میاشتې پر ۱۴مه نېټه راتلونکې یکشنبه ترسره شي.
یادې سیالي د جرمني په کوربهتوب پیل شوې وې چې ۲۴ لوبډلو په کې ګډون کړی وو.