د ایران ولسمشر ابراهییم رییسي د دغه هېواد په ختیځ کې د چورلکې لوېدو پېښه کې خپل ژوند له لاسه ورکړی دی. د ایران دولتي رسنۍ «صداوسیما» د نوموړي د مړینې خبر خپور کړی دی.
له نوموړي سره د یاد هېواد د بهرنیو چارو وزیر حسین امیرعبداللهیان، د اذربایجان والي مالک رحمتي، د تبریز امام جمعه سیدمحمد عليالهاشم، د ولسمشر د ساتونکې ډلې قومندان سردار سیدمهدي مسوسوي او د چورلکې خدمه هم مړه شوې دي.
د سلاموطندار پښتو فېسبوکپاڼه وڅارئ
د نړۍ ګڼشمېر هېوادونو د ایران د ولسمشر، بهرنیو چارو وزیر او نورو چارواکو د مړینې له امله خواشیني څرګنده کړې او دغه هېواد سره یې خواخوږي شریکه کړې.
د عراق، هند او اذربایجان هېوادونو د یادې پېښې له کبله دغه هېواد سره خپله خواشیني ښودلې.
د حماس ډلې د ایران د ولسمشر ابراهیم رییسي، بهرنیو چارو وزیر حسین امیرعبداللهیان او نورو چارواکو پر مړینه خواشیني ښودلې.
یاده ډله چې دا مهال فلسطین کې له اسراییلو سره پر جګړه بوخته ده، د رییسي د مړینې له امله ایران او د دغه هېواد ولس ته خپله خواخوږي وړاندې کړې.
دې ډلې په یوې خبرپاڼه کې ویلي: «موږ له خپل ورور ایران او اسلامي جمهوري سره په دې ګډ غم کې ځان شریک بولو چې دې پېښې د ایران تر ټولو د غوره رهبرانو ژوند واخیست.»
د ابراهیم رییسي لېږدوونکې چورلکه هغه مهال له پېښې سره مخ شوه چې له اذربایجان سره پر سرحدي ارس سیند د رغول شوي قیزقعله سي بند پرانیستلکېدو وروسته بېرته تبریز ته روانه وه.
د ایران ختیځ کې د اذربایجان ولایت د ورزقان او جلفا سیمو ترمنځ دیزمار ځنګل د پېښې اصلی ځای بلل شوی دی.