د صنعت او سوداګرۍ وزیر د هېواد بازارونو کې د لومړنیو توکو د بیو کنټرول او وضعیت ارزولو په موخه، د کسبګرو او دوکاندارانو خونې د مشرتابه پلاوي او د اصنافو له غړو سره د همغږۍ غونډه کړې.
نورالدین عزیزي دغه غونډه کې ویلي، هېواد ته د توکو په ځانګړې توګه د لومړنیو توکو د واردولو په برخه کې ستونزه نهشته او هره ورځ بېلابېل ډوله زرګونه کانټیره مواد هېواد ته واردیږي.
د کسبګرو او دوکاندارانو ټولنې او د اصنافو غړو هم اړوندو برخو کې بازارونو ته د توکو د واردولو ډاډ ورکړی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه دغه غونډه کې د لومړنیو توکو د بیو د کنټرول پرېکړه شوې او ویل شوي چې د لومړنیو توکو احتکار کوونکو سره به جدي چلند وشي.
د صنعت او سوداګرۍ وزیر نورالدین عزیزي د سوداګرۍ په برخه کې ستونزې لنډمهاله بللي دي.
دا داسې مهال دی چې پاکستان سره د لارو له تړل کېدو وروسته، د غوړویو په څېر د ځینو توکو بیې لوړې شوي دي.