د سرپرست حکومت مسوولان وايي، د روان مالي کال ملي بودیجه کې د خلکو اړتیاوې او لومړیتوبونه په پام کې نیول شوي او د سږکال ملي بودیجه هم د تېرکال په څېر له کورنیو عوایدو تامین شوې.
د سرپرست حکومت ویاند ذبېحالله مجاهد که څه هم د سږکال ملي بودیجې اندازې په اړه جزییات نهورکوي، خو وايي، د روان کال بودیجه کې د تېرکال په پرتله لاډېر عادي او انکشافي برخو ته پام شوی.
د سلاموطندار پښتو فېسبوکپاڼه وڅارئ
هغه وویل: «بودیجې کې چې څه اړین دي، روڼتیا ده چې د تېرکال په پرتله رڼه مصرف شي. بودیجه د افغانستان له ملي عوایدو لاس ته راځي او بېرته مصرفېږي. د بودیجې لګولو بهیر هم په عادي او هم بانکشافي برخه کې د تېرکال په نسبت، ډېره په پام کې نیول شوې.»
سرپرست حکومت د تېرو دوو کلونو راهیسې د بودیجې څومرهوالي په اړه له جزییاتو ورکولو پرته توشیح کوي.
د چارو شنونکي تمه لري چې سرپرست حکومت د افغانستان اقتصادي وضعیت ته په کتو د روان کال بودیجه کې تر ډېره د هېواد پرمختیايي او اقتصادي زېرمو ته ډېر پام وکړي.
د اقتصادي مسایلو کارپوه ایرج فقیري سلاموطندار ته وویل: «څومره چې وکولای شو دا بودیجه د افغانستان په اقتصادي نظام او زېربناوو باندې ولګوو، اغېز به یې ډېر وي، لکه د کارموندنې فرصتونه به رامنځته شي.»
د سرپرست حکومت له واکمنېدو راهیسې یوازې د ۱۴۰۱ کال بودیجه رسنیزه کړه چې ټولټال ۲۳۱میلیارد افغانۍ وه او ۲۰۳میلیارد افغانۍ یې عادي او ۲۷.۹ میلیارد افغانۍ یې هم پرمختیايي برخې ته ځانګړې شوې وه.