هلمند کې محلي چارواکي وايي، د امنیتي ځواکونو له لوري هغه کس نیول شوی چې خپله مېرمن یې، په کاڼو وژلې وه.
د هلمند د والي ویاند مولوي محمدقاسم ریاض سلاموطندار ته وايي، یاد کس د سنګین ولسوالي ساروان کلا سیمه کې نیول شوی دی.
هغه زیاته کړه چې دغه کس څه موده وړاندې د کندهار غورک ولسوالي اړوند سیمه کې خپله مېرمن په کاڼو وژلې وه.
د هلمند د والي ویاند مولوي محمدقاسم ریاض ټينګار کړی چې نیول شوی کس به ډېر ژر عدلي او قضایي ارګانونو ته وسپارل شي.
له دې وړاندې دغه ولایت او د هېواد په نورو سیمو کې هم ورته پېښې رامنځته شوې چې ځینو مېرمنو پهکې خپل ژوند له لاسه ورکړی او ټپیانې شوې دي.
چارواکو د یادو ډېری پېښې اصلي لامل کورنی تاوتریخوالی یاد کړی دی.