په سمنګان کې د بدنې روزنې او ورزش امریت له لوري د ۱۶ لوبډلو ترمنځ د پیل شویو سیالیو اتلولي د کندهار لوبډلې په اتلولي سره پای ته ورسېدې.
یادې سیالي چې نږدې یوه میاشت وړاندې پیل شوې وې، پایلوبې ته یې د کندهار او سرکنده کلي لوبډلې وتلې وې چې کندهار لوبډلې یې بریا خپله کړه.
د سلاموطندار پښتو فېسبوکپاڼه وڅارئ
په پایلوبه کې د کندهار لوبډلې سرکنده لوبډلې ته ۳-۱ په پایلې سره ماته ورکړه او اتلولي یې وګټله.
د سمنګان د بدني روزنې او ورزش امر نصیراحمد کامیاب وویل چې یادو سیالیو کې د مرکز ایبک او ولسوالیو ۱۶ لوبډلو ګډون کړی وو.
د یادو سیالیو د جوړېدو موخه د یادې ورزشي لوبې وده او د ځوانانو او ورزشکارانو ترمنځ د یووالي رامنځته کول ښودل شوې دي.
په ورته مهال د والیبال یوشمېر لوبغاړي له مسوولانو غواړي چې د والیبال لوبې ودې لپاره ورته سیالي په ولسوالیو کې هم جوړې کړي.