پر کابل پوهنتون د بريد په تړاو د درېیمې امنیتي حوزې ۱۳ مسوولان څارنوالۍ ته معرفي شول
د کابل امنيې قومندانۍ وايي، د کابل پوهنتون برید په تړاو يې د کابل ښار د درېیمې حوزې۱۳ امنیتي مسوولان چې د ياد پوهنتون امنيت ورپه غاړه و، څارنوالۍ ته معرفي کړي دي.
له کابل امنيې قومندانۍ نه په خپره شوې خبرپاڼه کې راغلي چې د درېيمې امنيتي حوزې د پوليسو مسوولان يې د کابل پوهنتون امنیت ساتلو کې د غفلت له کبله له دندو لرې کړي او څارنوالۍ ته يې معرفي کړي دي.