ننګرهار کې د ولس پرېکړه؛ د طالبانو کورنۍ به له کلیو واېستل شي
د ننګرهار سپین غر ولسوالي کې ولسي خلکو پرېکړه کړې، هغه کورنۍ چې غړي یې د طالبانو برخه دي، له کلیو به وویستل شي. د ننګرهار د والي ویاند عطاالله خوږیاڼي سلام وطندار ته وویل، د دغې ولایت سپین غر ولسوالي کې ولسي وګړیو پرېکړه کړې، هغه کورنۍ چې غړي یې د طالبانو برخه دي، له کلیو به یې باسي او یا به یادې کورنۍ خپل غړي له طالبانو باسي.