اوتونبایوا: د افغانستان د راتلونکي یووالي او ثبات لپاره باید بشري حقونه خوندي شي
په افغانستان کې د ملګرو ملتونو ځانګړې استازولۍ یا یوناما نن د بشري حقونو نړیوالې ورځې په مناسبت یوه خبرپاڼه کې لیکلي چې پر دې ورځ او د بشري حقونو په اړه د نړیوالې اعلامیې په ۷۵یمه کلیزه کې یو ځل بیا د افغانستان له واکمنو چارواکو غواړو چې د افغانستان د باثباته، سولهيیزې او پرمختللې راتلونکې په موخه بشري حقونه ومني او ملاتړ یې وکړي.