د غور والي د ګوښه کېدو په اړه د اعتراضونو دوام
د غور سلګونو اوسېدونکيو يو ځل بيا د دې ولايت د والي نورمحمد کوهنورد د ګوښه کېدو پر ضد لاريون کړی. دوی په دغه اعتراض کې له جمهوري نظامه او امنيتي ځواکونو د ملاتړ او د والي پر ضد شعارونه ورکړل.
د غور معترضان وايي، والي د خلکو ترمنځ نفاق خپروي او مديريت کې کمزوری دی. لاريونوالو وويل، له کله چې کوهنورد د دغه ولایت د والي په توګه ټاکل شوی، غور ولايت کې د ناامنيو او د توکميزو اختلافاتو کچه لوړه شوې ده.