د کابل په لوېدیځ کې چاودنو ته غبرګونونه؛ یوناما: عاملان یې باید محاکمه شي
د کابل په لوېدیځه سیمه کې نن درېوو پرله پسې چاودنو پراخ ملي او نړیوال غبرګونونه راوپارول. په افغانستان کې د ملګرو ملتونو ځانګړې استازولۍ یا یوناما نن د یوې خبرپاڼې په خپرولو سره د کابل په لوېدیځ کې د پرله پسې چاودنو په اړه غبرګون ښودلی او هغه یې غندلې دي. دغه بنسټ عدالت ته د دغو پېښو د عاملینو د راکاږلو غوښتنه کوي.