بدخشان کې د خلکو په مالي ملاتړ د یوه سړک د رغولو چارې پیل شوې
د بدخشان دراغستان ولسوالي اوسېدونکو په خپل شخصي لګښت دغه ولسوالي کې د دوه میلیونه افغانیو په لګښت د یوه سړک د رغولو چارې پیل کړي دي.
د بدخشان د اطلاعاتو او فرهنګ ریاست اړوند د اطلاعاتو امر حکمتالله محمدي سلاموطندار ته ویلي، دغه سړک چې د یادې ولسوالي «بېکادر» سیمې څخه «بازار زیرکي» ته غځېدلی او ۱۵ کیلومټره اوږدوالی لري، د سیمو د خلکو په شخصي لګښت جوړېږي.
