د سرپرست حکومت د بهرنیو چارو وزارت سرپرست امیرخان متقي ویلي چې د ذ.بېحالله م.جاهد په مشري د ا.ا یو پلاوی به د دوحې په درېیمه غونډه کې ګډون وکړي.
د بهرنیو چارو وزارت ویاند عبدالقهار بلخي نن (د چنګاښ پنځمه، د سهشنبې ورځ) پر اېکس لیکلي چې متقي دا خبره د دوحې په درېیمه غونډه کې د ګډون لپاره د چمتووالي په غونده کې کړې او زیاته کړې یې ده چې د ا.ا مشرتابه دا پرېکړه کړې ده.
د سرپرست حکومت د بهرنیو چارو وزارت درېیم سیاسي رییس ذاکر جلالي د دوحې د درېیمې غونډې جوړېدو ته په اشارې لیکلي، ا.ا چې څرنګه له ګاونډیو او د سیمې هېوادونو سره پرمختګ کړی، له لوېدیځو هېوادونو سره د جوړوونکي تعامل پلوی دی.
د ملي دفاع وزارت سرپرست محمد.یعقوب م.جاهد د چهارشنبې په ورځ په کابل کې «د اسلامي نظام او ملي یووالي د ټینګښت» په نوم یوه غونډه کې د وینا پر مهال د افغانانو پر یووالي ټینګار کړی او ویلي یې دي، که افغانان سره یوموټی شي، نړۍ به سرپرست حکومت او افغانان په رسمیت وپېژني.
په هېواد کې په ناقانونه توګه د ډبرو سکرو استخراج او نورو هېوادونو ته یې په ټیټه بیه د صادراتو په اړه اندېښنې شته، خو د اسلامي امارت مسوولان وایي چې د سکرو بیه یې لوړه کړې ده.
له څو ورځو راهیسې په کابل کې د سرپرست حکومت له خوا د یوې لویې غونډې د جوړېدو خبرونه ورکړل شوي، خو تراوسه د یادې ناستې د اجنډا او څرنګوالي په اړه څه نه دي ویل شوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
