د کندهار له نوي والي د حمدالله محب غوښتنه؛ د ياد ولایت امنیت لپاره جدي هڅې وکړه
کندهار لپاره د نوي والي او د ملي امنیت رییس تر ټاکل کېدو وروسته، د افغانستان د ملي امنیت سلاکار حمدالله محب نن د یوه لوړپوړي پلاوي په مشرۍ دغه ولایت ته لاړ. حمدالله محب کندهار کې یوه غونډه کې وویل، نوی والي او د ملي امنیت رییس یې د کندهاریانو د غوښتنو پر بنسټ بدل کړي، ترڅو د دغه ولایت په وضعیت کې مثبت بدلون راشي.