خوست ولايت کې ۴۵ ښوونځيو ته ودانۍ جوړې او ګټې اخيستنې ته وسپارل شوې
په خوست ولايت کې د ۴۵ ښوونځيو ودانيو تر څنګ ۲۴۲ بېلا بېلو پروژې ګټې اخيستنې ته وسپارل شوې. د يادو پروژو د پرانيستي په مراسمو کې د کليو د بيارغونې او پراختيا او پوهنې سرپرست وزيرانو برخه اخيستې وه.
د کليو پراختيا او بيارغونې سرپرست وزير مجيب الرحمان کريمي وويل، د خوست مرکز په ګډون په بېلا بېلو ولسواليو کې ۴۵ ښوونځيو ته د ۲۰۲ ميليونه افغانيو په لګښت سره ودانۍ جوړې شوې دي.