د هرات د صرافانو ټولنه: اسلامي امارت دې د خلکو او صرافانو امنیت ټینګ کړي
هرات کې د یوه مشهور صراف عبدالرحیم صدیقي له وژل کېدو وروسته، د دغه ولایت د صرافانو ټولنې مسوولان او د صدیقي خپلوان په دغه ولایت کې د صرافانو او پانګوالو لپاره د امنیت له نهشتوالي څخه اندېښنه څرګندوي. هغوی وايي، په تېرو څو میاشتو کې د هرات ښار امنیتي وضعیت خراب شوی او اسلامي امارت مسوولیت لري چې د خلکو او د صرافانو امنیت ټينګ کړي.