د افغان سولې لپاره وخت په ختمېدو دی
د افغانستان لپاره د اروپایي ټولنې ځانګړی استازی توماس نیکولسن وايي له افغانستان څخه د پاتې بهرنیو ځواکونو د وتلو چارې ته په کتو د افغان سولې لپاره وخت په پای ته رسېدو دی. نیکولسن له رویټرز خبري اژانس سره په مرکه کې د دې خبرداري ترڅنګ ټېنګار کړی چې د سولې برخه کې اساسي پرمختګ ډېر لږ دی، نو ځکه اړتیا ده چې د سولې هڅې ګړندۍ او چټګ ګامونه واخیستل شي.