د ا.ا د بهرنیو چارو وزارت د بشارالاسد حکومت د پرځېدو هرکلی وکړ
د ا.ا د بهرنیو چارو وزارت په سوریه کې د بشارالاسد حکومت د پرځېدو هرکلي ترڅنګ ویلي چې د تحریر شام پلاوي او د دغه هېواد خلکو ته د «جګړې او بېثباتۍ اصلي لاملونو» د له منځه وړلو له کبله مبارکي وايي.
دغه وزارت پر خپلې اېکسپاڼې لیکلي، تمه لري په سوریه کې روان وضعیت داسې مدیریت شي چې په دغه هېواد کې یوه سولهييز او یوموټي نظام جوړېدو ته لاره هواره کړي.
متحده عربي امارات افغانانو ته د ویزو ورکړه اسانوي
په ابوظبي کې د ا.ا سفیر بدرالدین حقا.ني وايي له دغه هېواد څخه غوښتي چې افغانانو ته د ویزو ورکړې په پروسه کې دې اسانتیاوې برابرې کړي. نوموړي له النهیان څخه غوښتي چې په متحده عربي اماراتو کې افغان بندیان افغانستان ته ولېږدوي. د خبرپاڼې له مخې، دواړو لوریو د افغانستان پر ټولیز وضعیت، وروستیو بدلونونو او شته فرصتونو خبرېاترې کړې دي.
سراج.الدین حقا.ني: له نړۍ سره هر ډول تعامل به د اسلامي اصولو پر بنسټ وي
د ا.ا سرپرست حکومت چارواکو ویلي چې له هېوادونو سره د اړیکو ټینګښت او پراختیا ته ژمن دي. ارګ پر خپل اېکس لیکلي چې دا موضوع پرون (د لړم ۲۸مه، د دوشنبې ورځ) د ریاستالوزرا د سیاسي مرستیال په مشري د ا.ا د سیاسي کمېسیون په ناسته کې شوې ده.
د شانګهای همکاریو سازمان غونډه د ا.ا له استازي پرته په پاکستان کې جوړېږي
د پاکستان د بهرنیو چارو وزارت په یوه خبرپاڼه کې ویلي چې دغه هېواد به د روانې زېږدیزې میاشتې په ۱۵مه او ۱۶مه د شانګهای همکاریو سازمان د ۲۳مې سرمشریزې کوربه وي. د پاکستاني رسنیو د راپور له مخې، ا.ا دې غونډې ته نهدی ور بلل شوی. د خبرپاڼې له مخې، په یاده غونډه کې به د شانګهای همکاریو سازمان غړي هېوادونه پر اقتصادي، سوداګریزو، د چاپېریال اړوند او فرهنګي همکاریو خبرې وکړي.
ا.ا: د افغانستان په اړه د م.م د بشري حقونو شورا غونډه یواړخیزه ده
ا.ا د ملګرو ملتونو د بشري حقونو شورا د ۵۷مې غونډې پر مهال په افغانستان کې د بشري حقونو، په تېره د ښځو د وضعیت په اړه د اندېښنو له څرګندولو وروسته دا غونډه او پهکې د افغانستان په اړه وړاندې شوي راپورونه یواړخیز بولي.
د ا.ا د ویاند مرستیال حمدالله فطرت وايي، په یاده ناسته کې یادې شوې شوې اندېښنې د سرپرست حکومت لپاره د منلو وړ نهدي.
متقي: هېوادونه دې د ګډو ګټو پر بنسټ له افغانستان سره سوداګریزې اړیکې پراخې کړي
د ا.ا د بهرنیو چارو وزارت سرپرست امیرخان متقي د جمعې په ورځ په کامرون کې د اسلامي هېوادونو د همکارۍ سازمان د بهرنیو چارو وزیرانو په ۵۰مه غونډه کې له ټولو هېوادونو، په ځانګړې توګه د دغه سازمان له غړیو هېوادونو وغوښتل چې د ګډو ګټو پر بنسټ دې له افغانستان سره خپلې سوداګریزې او پرمختیايي اړېکې پراخې کړي.
اوزبکستان به په نږدې راتلونکې کې د ا.ا سفیر ومني
د اوزبکستان لومړي وزیر عبدالله عارفاوف ویلي چې هېواد به یې په نږدې راتلونکې کې په رسمي ډول د ا.ا سفیر ومني. ارګ پرون ناوخته پر اېکس یوه خبرپاڼه خپره کړې او پهکې لیکلي یې دي چې عارفاوف دا موضوع د ا.ا د رییسالوزرا له سیاسي مرستیال محمد عبدالکبیر سره په لیدنه کې یاده کړې او ویلي یې دي چې اوزبکستان په مهمو نړیوالو غونډو کې د ا.ا د دریځ ملاتړ کوي.
ا.ا: د محمدابراهیم محتاج قضیه د هغه له خبریالۍ سره تړاو نهلري
یوشمېر افغان خبریالان په کندهار کې د ملت غږ محلي راډیو د خبریال محمدابراهیم محتاج له نیول کېدو سره هممهاله په هېواد کې د خبریالانو د نیولو دوام په اړه اندېښنه څرګندوي.
دوی د سرپرست حکومت له اطلاعاتو او کلتور وزارت څخه غواړي چې د رسنیو د سرغړونې کمېسیون له لارې د نیول شویو خبریالانو قضیې وڅېړي.
ا.ا په روان کال کې لږترلږه لس پلاوي بېلابېلو هېوادونو ته لېږلي
د ا.ا یوشمېر چارواکو د روان لمریز کال له پیل راهیسې له افغانستان سره په اقتصادي، سوداګریزو او ټرانزیټي برخو کې د هېوادونو د همکاریو را جلبولو په موخه بېلابېلو هېوادونو ته لږترلږه لس سفرونه کړي او هلته یې په ځینو مهمو غونډو کې هم ګډون کړی دی. په دوحه کې د افغانستان لپاره د ملګرو ملتونو ناسته یې وروستۍ او مهمه غونډه وه چې د ا.ا د ویاند ذ.بېحالله م.جاهد په مشري یوه پلاوي پهکې ګډون کړی و.
ا.ا: هیلهمند یوو د ایران د نوي حکومت په جوړېدو به د دواړو هېوادونو اړیکې پیاوړې شي
د سرپرست حکومت د بهرنیو چارو وزارت د ایران د ولسمشر په توګه د مسعود پزشکیان د ټاکل کېدو له کبله د هغه هېواد حکومت او خلکو ته مبارکي ورکړې ده.
د دغه وزارت ویاند عبدالقهار بلخي پرون ناوخته پر اېکس لیکلي چې ا.ا هیلهمند دی چې په ایران کې د نوي ولسمشر په ټاکل کېدو سره به په بېلابېلو برخو کې د دواړو ګاونډیو هېوادونو ترمنځ اړیکې پیاوړې شي.
م.جاهد: د دوحې غونډه کې د افغانستان د ستونزو حل او له م.م سره د تفاهم لپاره ګډون کوو
د سرپرست حکومت ویاند ذ.بېحالله م.جاهد نن د دوحې د درېیمې غونډې په را نږدې کېدو سره د حکومت د رسنیو په مرکز کې یوې خبري غونډې ته وویل چې د ا.ا پلاوی په یاده غونډه کې له افغانستان سره د ملګرو ملتونو او د غړیو هېوادونو د مثبت او رغنده تعامل او په افغانستان کې د وضعیت ښهوالي او هراړخیز ثبات په موخه ګډون کوي.
د سرپرست حکومت پلاوی د دوحې غونډه کې ګډون کوي
د ا.ا ویاند ذ.بېحالله م.جاهد د یکشنبې ورځ رسنیو ته ویلي چې د سرپرست حکومت یو پلاوی به د دوحې په راتلونکې جوړېدونکې غونډه کې ګډون وکړي.
د نوموړي په وینا، یاده غونډه د ا.ا په ګټه ده او پلاوی یې تیار دی چې په یاده غونډه کې ګډون وکړي.
د کرزي اختریز پیغام؛ ا.ا دې نجونو ته د ښوونځیو او پوهنتونونو دروازې پرانېزي
پخواني ولسمشر حامد کرزي پر خپلې فېسبوکپاڼې ټولو افغانانو ته د لوی اختر مبارکي ورکړې او له ا.ا څخه یې غوښتي چې د نجونو پر مخ د ښوونځیو او پوهنتونونو دروازې پرانېزي.
کرزي د نجونو او هلکانو زدهکړې د هېواد د پرمختګ، هوساینې او خپلواکۍ لپاره لازمې بللي او دا یې له نړۍ سره د سیالۍ یوازینۍ لاره بللې ده.
د سیمې د تماس ډلې دویمه غونډه د ا.ا د استازي له ګډون پرته په تهران کې جوړه شوه
د افغانستان لپاره د سیمې د تماس ډلې دویمه غونډه د شنبې په ورځ د افغانستان په چارو کې د ایران، روسیې، چین او پاکستان د ځانګړو استازیو په ګډون د ایران په پلازمېنه تهران کې جوړه شوه. سره له دې چې دا غونډه د افغانستان په اړه وه او لومړۍ هغه یې په کابل کې جوړه شوې وه، خو د ا.ا کوم استازي پهکې ګډون نهدی کړی.
د روسیې د ترهګرو ډلو له نوملړه د ا.ا له احتمالي اېستلو څخه د سرپرست حکومت هرکلی
د افغانستان لپاره د روسیې ځانګړي استازي ضمیر کابلوف په دې وروستیو کې د دغه هېواد رسنیو ته ویلي چې د روسیې د بهرنیو چارو او عدلیې وزارتونو د ترهګرو ډلو له نوملړ څخه د ا.ا د نوم اېستلو د احتمال په اړه ولسمشر ولادیمیر پوتین ته خبر ورکړی دی.
ا.ا د ناروې، ایرلنډ او اسپانیې له لوري د فلسطین په رسمیت پېژندلو هرکلی وکړ
د ا.ا د بهرنیو چارو وزارت د ناروې، اسپانیې او ایرلنډ له لوري د یوه خپلواک هېواد په توګه د فلسطین په رسمیت پېژندلو هرکلی کړی او هغه یې یو مثبت ګام بللی دی.
دغه وزارت نن د غبرګولي څلورمه، د جمعې ورځ پر خپلې اېکسپاڼې یوه خبرپاڼه خپره کړې چې پهکې لیکل شوي، دغه پرمختګ داسې مهال کېږي چې اسراییلو پر غزې برید سره «د نسلوژنې جګړهیيز جنایتونه» کوي.