د سریلانکا او هند کرېکټ ملي لوبډلو ترمنځ د یو ورځنیو سیالیو د لوبلړۍ په لړ کې نن یکشنبه، اګسټ څلورمه دواړه لوبډلې د یادې لوبلړۍ دویمه سیالي کوي.
ټاکل شوې چې دغه لوبه نن له غرمې وروسته د افغانستان پر وخت د ماسپښین ۱:۳۰ بجې پیل شي.
د سلاموطندار پښتو فېسبوکپاڼه وڅارئ
د درېوو یو ورځنیو سیالیو د روانې لوبلړۍ، لومړۍ لوبه په مساوي توګه پای ته رسېدلې. په هغه لوبه کې سریلانکا لوبډلې هند ته د ۲۳۱ منډو هدف ورکړی و چې هند یوازې ۲۳۰ منډې جوړې کړې.
هند له دې وړاندې په وروستیو پنځو یو ورځنیو نړیوالو لوبو کې څلور ځلې سریلانکا ته ماته ورکړې او یوازې لوبه د دواړو لوبډلو ترمنځ په مساوي توګه پای ته رسېدلې.
سریلانکا لوبدله د دې چانس لري چې له هند د یو ورځنیو سیالیو روانه لوبلړۍ وګټي او یا یې، هم مساوي کړي.
سریلانکا له دې وړاندې د شل اووره سیالیو په لوبلړۍ کې له هند ماتې خوړلې او درې واړه لوبې یې، هند ته بایللې دي.
د دواړو لوبډلو ترمنځ به وروستۍ یو ورځنۍ لوبه د روانې اوونۍ د چهارشنبې پر ورځ ترسره شي.