د اوکراین چارواکو ویلي چې د روسیې وروستیو هوايي بریدونو کې دوه کسان وژل شوي او د کیف ښار ځینې برخې او اودسا بندر کې یو زېږنتون زیانمن شوی.
روسیې تېره ورځ پر اوکراین پراخ هوايي بریدونه ترسره کړي، کوم بریدونه چې مسکو روسیه کې د کیف بریدونو پر وړاندې غچ اخیستونکي اقدام بللی.
رویټر اژانس راپور ورکړی چې د روسیې څو ساعته بریدونو کې د اوکراین لس سیمې په نښه شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته وخت کې د اوکراین بهرنیو چارو وزیر انډري سیبیها د روسیې له دغو بریدونو وروسته، له نړیوالو غوښتي چې پر مسکو سخت بندیزونه ولګوي او د اوکراین له هوايي دفاع له پیاوړي کولو ملاتړ وکړي.
مسکو د روسیې دننه هوايي اډو کې پر ستراتیژیکو بمغورځونکو بېپیلوټه الوتکو د کیف له بریدونو وروسته، په اوکراین هوايي بریدونه ډېر کړي دي.
