د عربستان فوټبال غوره لیګ د النصر لوبډلې پیاوړي لوبغاړي کرېسټیانو رونالډو بېګاه شپه په دغه لیګ کې د ابها لوبډلې پر وړاندې هټرېک وکړ.
دا په روان لیګ کې د شاوخوا ۷۲ ساعتونو په ترڅ کې د رونالډو دویم هټرېک و. دا په روان لیګ کې د شاوخوا ۷۲ ساعتونو په ترڅ کې د رونالډو دویم هټرېک و. د هغه لوبې په ۱۱مه، ۲۱ او ۴۲مه دقیقو کې ګولونه ووهل.
د سلاموطندار پښتو فېسبوکپاڼه وڅارئ
رونالډو د روانې اوونۍ د یکشنبې لوبه کې هم د الټای لوبډلې پر وړاندې هټرېک وکړ او دا لوبډله یې ۵-۱ په پایلې سره له ماتې سره مخ کړه.
رونالډو دا مهال د سعودي عربستان فوټبال پرو لیګ کې ۲۹ ګلونه وهلي او تر نورو مخکښ دی.
النصر لوبډلې یاده لوبه کې د رونالډو د درېوو ګلونو او دوو پاسونو پر مټ ابها لوبډلې ته ۸-۱ ماته ورکړه.
د پرتګال فوټبال ملي لوبډلې نړیوال ستوري کرېسټیانو رونالډو چې پنځه ځله یې د سرو زرو توپ ګټلی د یادې لوبې لومړۍ نیمايي، کې درې ګلونه ووهل.
د سعودي عربستان د فوټبال پرو لیګ کې النصر لوبډله له خپل سیال الحلال وروسته د جدول په دویم ځای کې شتون لري.