د کندهار د سرې میاشتې ټولنې ریاست مسوولان وايي چې دغه ولایت کې یې سلو بېوزله کورنیو ته د چرګانو کوچني فارمونه جوړي کړي دي.
د چرګانو دغه فارمونه د کندهار په ارغنداب او ډڼډ ولسوالیو کې د سرې میاشتې ټولنې ریاست تر چتر لاندې د مرستون امریت د فډرېشن پروګرام په مالي همکاري جوړ شوي دي.
د سلاموطندار پښتو فېسبوکپاڼه وڅارئ
د یاد امریت امر رازمحمد ريان ویلي چې هرې کورنۍ باندې ۲۲ چرګې او چرګان وېشل شوي دي. د نوموړي په وینا، هرې کورنۍ ته د چرګانو ۱۰۰ کیلوګرامه دانه هم ورکړل شوې ده.
هغه وویل: «دا مرغداري د سلو فاميلو لپاره کېږي. پروسه يې شروع شوې او د فاميل پر سر شل دانې چرګاني او دوه دانې چرګان ورکړل شول. دا هغه کورنۍ دي چي ښځي پهکې کونډې او یاهم ډېرې بېوزله دي.»
هغه کورنۍ چې د چرګانو کورني فارمونه ورته جوړ شوي، وايي چې دغه فارمونه به يې د کورنۍ پر اقتصاد مثبت اغېز وکړي.