کابل ته د پاکستان جمعیت علمای اسلام ګوند مشر فضلالرحمن سفر سره هممهاله د یاد هېواد د بهرنیو چارو وزارت وايي چې پاکستان د نوموړي له سفر ملاتړ نهکوي.
د یاد وزارت ویاندې ممتاز زهرا بلوڅ پرون پنجشنبه«جنورۍ ۱۱مه» اسلاماباد کې یوې غونډې ته ویلي چې فضلالرحمن په شخصي توګه کابل ته سفر کړی او د پاکستان لنډمهاله حکومت یې ملاتړ نهکوي.
د سلاموطندار پښتو فېسبوکپاڼه وڅارئ
بلوڅ همداراز وویل چې پاکستان ته تر ستنېدو وروسته به فضلالرحمن د خپل سفر په اړه بهرنیو چارو وزارت ته معلومات ورکړي.
نوموړي کابل ته له سفر وړاندې پاکستاني رسنیو سره مرکه کې ویلي و چې افغانستان ته یې د سفر موخه د دواړو هېوادونو د حکومتونو ترمنځ د رامنځته شوې بېباورۍ لهمنځه وړل دي.
د پاکستان جمعیت علمای اسلام ګوند مشر فضلالرحمن د جنورۍ پر اوومه کابل ته سفر کړی او د سرپرست حکومت له چارواکو سره پر لیدو، کتو بوخت دی.
فضلالرحمن نن جمعه «جنورۍ ۱۲مه» کابل کې د کډالو او بېرته راستنېدونکو چارو وزارت سرپرست خلیلالرحمن حقاني سره لیدلي دي.
په یاده لیدنه کې حقاني ویلي، پاکستان دې د افغان کډوالو ۴۰کلن کوربهتوب په اوبو نهلاهو کوي او افغانانو ته دې وخت ورکړي چې په خپله خوښه افغانستان ته راستانه شي.