د پاکستان مالیې وزارت چارواکي وايي چې د درې میلیارډ ډالرو پور ترلاسه کولو لپاره د پیسو نړیوال صندوق (ایاېماېف) له پلاوي سره غږېدلي دي.
دغه لیدنه چې د یاد هېواد پلازمېنې اسلاماباد کې شوې، د پاکستان مالیې وزیر اورنګزېب خان او د ایاېماېف پلاوي مشري نېټن پورټر د دغه هېواد د اقتصادي او مالي چارو د دویمې ارزونې په تړاو پهکې خبرې کړې دي.
د سلاموطندار پښتو فېسبوکپاڼه وڅارئ
د پاکستان مالیې وزارت د مارچ پر ۱۴مه پر خپله اېکسپاڼه لیکلي چې دغه ارزونه به څلور ورځې دوام وکړي او هېله یې څرګنده کړې چې پور به ترلاسه کړي.
د وزارت په وینا، که دغه ارزونه بریالۍ شي، ایاېماېف به دغه هېواد ته ۱.۱ میلیارډ ډالر پور ورکړي. دغه پور په قسط ورکول کېږي.
ایاېماېف د روان کال جنورۍ کې هم دغه هېواد ته ۷۰۵ میلیونه ډالر پور ورکړی دی.
Mr. Nathan Porter, the IMF Mission Chief for Pakistan, and Federal Minister for Finance Mr. Muhammad Aurangzeb along with their teams started second review of Stand-by Arrangement today in Islamabad. pic.twitter.com/MuK0qrjDS4
— Ministry of Finance, Government of Pakistan (@Financegovpk) March 14, 2024
پاکستان له ۲۰۱۹ کال راهیسې له اقتصادي ناورین سره مخ دی چې هماغه کال یې د پیسو نړیوال صندوق څخه د شپږ میلیارډ ډالرو پور ترلاسه کولو درې کلن هوکړهلیک لاسلیک کړ.
پاکستان د نوي پور ترلاسه کولو دغه هڅې داسې مهال پیل کړي چې دغه هېواد کې د ډالرو پر وړاندې د روپۍ ارزښت لوېدلی او د بهرنیو اسعارو زېرمې په کمېدو دي.