د ميدانوردګ امنیې قومنداني چارواکي وايي چې دغه ولایت کې لېوانو یو کس داړلی او وژلی یې دی.
پېښه تېره ورځ «پنجشنبه، کب درېیمه» د دغه ولایت د جلرېز ولسوالي په «سیاه خاک» سیمه کې رامنځته شوې ده.
د سلاموطندار پښتو فېسبوکپاڼه وڅارئ
د ميدانوردګ امنيه قومنداني څخه سلام وطندار ته په رالېږل شوې خبرپاڼه کې راغلي چې د وژل شوي کس جسد د امنیتي ځواکونو له لوري مرکز ميدانښار ته لېږل شوی او تراوسه معلومه نه ده چې ياد کس د کوم ځای اوسېدونکی دی.
خبرپاڼه کې له ولسي خلکو غوښتل شوي چې د وژل شوي کس د کورنۍ په موندلو کې له امنيتي ځواکونو سره همکاري وکړي.
میدانوردګ کې دغه کس داسې مهال لېوانو داړلی او وژلی یې دی چې له دې وړاندې هم د هېواد په نورو ولایتونو کې لېوانو خلک داړلي او ځینو یې له امله خپل ژوند هم له لاسه ورکړی دی.