د روزګان مقام ویاند حافظ احسانالله حماس او امنیه قومنداني ویاند حضرت بلال روزګاني په یاد ولایت کې له رسنیو څخه د لیدنې پرمهال د همکارۍ ډاډ ورکړ.
په یادو لیدنو کې نوموړو ویندویانو د رسنیو له مسوولانو او کارمندانو سره د هغوی پر نشراتي او تبلیغاتي اړخونو بحث وکړ.
د دوی په وینا، رسنۍ او خبریالان د ملت او حکومت ترمنځ د پل حیثیت لري او نور هم باید ټينګ او محکم شي.
د رسنیو مسولانو بیا په دې لیدنه کې خپلي ستونزې له ویاندویانو سره شریکي کړې او تر څنګ یې ډاډ ورکړ چې دوی هر وخت له حکومت سره همکار دي او خپلي چارې د اسلامي امارت د پالیسۍ سره سم مخته وړي.
روزګان کې دا مهال د ملي راډیو ټلویزیون ترڅنګ سلام روزګان، شمع، تړون، پیوستون، تعلیم الاسلام، او څرګند په نوم FMراډیوګانې فعالیت لري.