د کډوالو ستونزو ته د رسېدنې عالي کمېسیون مسوولان وايي چې تېره ورځ له ایران او پاکستانه نږدې ۴۰۰۰ کسان هېواد ته راستانه شوي دي.
د یاد کمېسیون د راپور له مخې، تېره ورځ له ایران او پاکستان څخه ۷۰۸ کورنۍ چې ۳۹۰۲ کسان کېږي، هېواد ته راستنې شوې دي.
یاد راستانه شوي د هرات د اسلامکلا، د نیمروز ورېښمو پُل، د هلمند د بهرامچې، د کندهار سپینبولدک او د ننګرهار د تورخم له لارو راستانه شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د خبر له مخې، تېره ورځ ۱۰۶۴ راستنې شوې کورنۍ چې ۵۷۳۵کسان کېږي، خپلو سیمو ته لېږدول شوي او له ۷۸۲ کورنیو سره مرسته شوې ده. یادو کډوالو ته د مخابراتي شبکو ۸۰۲ سیمکارټونه هم وېشل شوي دي.