د بهرنیو چارو وزیر امیر خان متقي د ترکمنستان د لومړي وزیر مرستیال او بهرنیو چارو وزیر رشید مردوف سره خبرو کې د سیمهییزو همکاریو په پراختیا او په دوه اړخیزو پروګرامونو خبرې کړي.
د بهرنیو چارو وزارت نن چهارشنبه دلوې ۸ / جنوري ۲۸ یوه خبرپاڼه کې ویلي چې دغه خبرې د ویډیويي کنفرانس له لارې ترسره شوي.
ښاغلي متقي دغو خبرو کې ویلي چې د افغانستان او ترکمنستان ترمنځ د اړیکو پیاوړتیا، د ګډو پروژو په ځانګړې توګه د ټاپي او د اورګاډي پټلي او ټاپ پروژو عملي کېدو لپاره زمینه برابره کړې.
د خبرپاڼې پر بنسټ، د ترکمنستان بهرنیو چارو وزیر د ګډو اقتصادي پروژو عملي کولو په برخه کې پر نږدې همکارۍ، د دواړو هېوادونو د چارواکو سفرونو په ترسره کولو او د راتلونکو پروګرامونو په جوړولو ټینګار کړی دی.