د اسلامي امارت د بهرنیو چارو وزارت سرپرست اميرخان متقي تېره ورځ (شنبه، ثور ۲۷) تهران کې د ایران بهرنيو چارو وزير سيد عباس عراقچي سره لیدلي.
د بهرنیو چارو وزارت د ویاند مرستیال ضیا احمد تکل ویلي چې دغه لیدنه کې پر دوو اړخيزو اړيکو، امنيتي مسايلو، اوبو او د افغان کډوالو پر موضوعاتو خبرې شوي دي.
امیرخان متقي د ایران او افغانستان اړيکې مهمې بللي او بېلا بېلو برخو کې يې د همکاريو پراختيا ته په پام، د ډیپلوماټیکو اړيکو د کچې لوړول يوه اړتيا ياده کړې.
همداراز هغه له ايراني لوري غوښتي چې د افغان کډوالو په ستنولو کې د تدريج اصل په پام کې ونيسي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
امیرخان متقي ویلي چې د دواړو هېوادونو ترمنځ د سوداګرۍ او ټرانزيټ په برخو کې همکارۍ مخ پر پراخېدو ده.
د ايران بهرنيو چارو وزير هم ټینګار کړی چې دواړه هېوادونه د خپلو دوو اړخيزو اړيکو نوي پړاو کې ګام پر ګام پرمختګونه ولري او زياته کړې یې ده چې اړيکې د پراختيا پر لور روانې دي.
عباس عراقچي وویل، د افغان کډوالو بېرته ستنېډل بايد تدريجي او باعزته وي او په ايران کې يې افغان کډوالو ته د لا زياتو اسانتياوو په برابرولو ټینګار کړی دی.