د هند کرېکت غوره لیګ یا ایپياېل سیالیو په لړ کې نن کلکته نایټرایډرز لوبډله د ممبی انډیینز لوبډلې سره لوبه کوي.
ټاکل شوې چې یاده لوبه نن ۶:۳۰ بجې مازدیګر«جمعه د مې درېیمه» د هند د ممبی په «وانکېډه کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
کلکته نایټرایډرز لوبډله دا مهال په روان لیګ کې له کړیو نهو سیالیو څخه شپږ ګټلي او درې یې بایللې دي. دا لوبډله د سیالیو په جدول کې دویم ځای لري.
د افغانستان کرېکټ ملي لوبډلې پیاوړي لوبغاړي رحمن ګربز او الله محمد غضنفر هم له کلکته نایټرایډرز لوبډلې سره لوبېږي.
بلخوا ممبی انډیینز لوبډلې سره بیا د افغانستان د کرېکټ ولسمشر محمدنبي لوبه کوي. ممبی انډیینز لوبډله د سیالیو جدول په نهم ځای کې شتون لري.
ممبی انډیینز لوبډلې تراوسه په روان ایپياېل لیګ کې لس لوبې کړي چې درې یې ګټلی او پاتې ټولې یې بایللې دي.
د دواړو لوبډلو ترمنځ په شویو وروستیو پنځو شل اووره لوبو کې کلکته نایټرایډرز درې ځلې او ممبی انډیینز دوه ځلې بریاوې خپلې کړې دي.
د یادو سیالیو په بېګانۍ لوبه کې سنرایزرز حیدراباد په یوې په زړه پورې لوبه کې راجستان رویالز ته په یوې منډې ماته ورکړه.