د ځوانانو چارو معین محمدیونس راشد وايي چې ځوانان باید هوښیار واوسي او د دښمن د دسیسو ښکار نهشي.
نوموړي دغه څرګندونې کندهار ته د خپل یوه سفر پر مهال یوې غونډ ته په وینا کې کړې دي.
د سلاموطندار پښتو فېسبوکپاڼه وڅارئ
هغه همداراز دې غونډې ته ویلي چې ځوانان باید د کفارو د تبلیغاتو ښکار نهشي او په اسلام او دې اسلامي نظام پورې لاسونه ټينګ کړي.
د راشد په وینا، «وروستیو دوو کلونو کي یي تر ټولو ډېره تکیه پر دې وه چې څنګه مسلکي ځوانان چې هېواد، نظام او خلک ورته اړتیا لري، وباسي.» هغه وویل، ځوانان د هېواد، نظام او خلکو اصلي سرمایه ده.
د ځوانانو چارو معین محمدیونس راشد وویل، «دښمن په فزیکي جګړه کي ماته خوړلې» اوس یې تبلیغاتي جګړه پیل کړې او هڅه کوي، څو د نظام او ولس ترمنځ واټن رامنځته کړي.
بلخوا یاډې غونډې ته د اطلاعات او فرهنګ وزارت سرپرست ویلي چې ځوانان دې پر عصري او دیني زدهکړو ځان سمبال کړي او د نظام او خلکو د خدمت کولو جوګه دې وګرځي.
د نوموړي په وینا، ځوانان باید د پردیو فکري جګړو پر وړاندې هوښیار پاتې شي. بلخوا یاده