کابل کې د قوشتېپې شل اووریز ملي جام روانو سیالیو په ترڅ کې نن سهشنبه، غويي ۱۸مه د مسعینک زون لوبډلې په اوو وېکټو بُست زون لوبډلې ته ماته ورکړه.
په دغه لوبه کې چې د کابل کرېکټ لوبغالي کې وشوه، بُست لوبډلې لومړۍ توپوهنه وکړه او په ټاکل شویو شلو اورونو کې یې د اوو لوبغاړو په سوځېدو ۱۵۲ منډې جوړې کړې.
د سلاموطندار پښتو فېسبوکپاڼه وڅارئ
د بُست لپاره په توپهنه کې تر ټولو ډېرې منډې رحمتشاه ۵۰ او علي احمد هم ناسوځېدلې ۲۶منډې وکړې. د مس عینک لوبډلې ورکړل شوی هدف د شل اوور په وروستي بال ترلاسه او بُست ته یې په اوو وېکټو ماته ورکړه.
مس عینک لوبډلې د درېوو لوبغاړو په سوځېدو یاد هدف ترلاسه کړ. د دې لوبډلې لپاره په توپوهنه کې تر ټولو ډېرې منډې محبوب تسکین ۵۸ او افسر ځاځي ناسوځېدلې ۵۵منډې جوړې کړې.
دا په روانو سیالیو کې د مس عینک لوبډلې درېیمه بریا وه چې ترلاسه یې کړه. دې لوبډلې د قوشتېپې شل اووریز ملي جام کې تراوسه څلور لوبې کړي او د سیالیو جدول په دویم ځای کې شتون لري.
د نن ورځې دویمه لوبه کې سپینغر زون لوبډله له امو زون لوبډلې سره پر لوبه بوخته ده.