د میدانوردګ د کرنې، اوبولګولو او مالدارۍ ریاست چارواکي وایي چې د خوړو او کرنې نړیوال سازمان/FAO په مالي لګښت د راتلوونکو نسلونو موسسې/FGA په تخنیکي همکاري په سیداباد ولسوالي کې کرنې اړوند ۱۰ پروژې بشپړې او ګټېاخیستنې ته وسپارل شوې.
د یاد ولایت د کرنې، اوبولګولو او مالدارۍ ریاست له لوري سلاموطندار ته په رالېږل شوې خبرپاڼه کې راغلي چې په بشپړیو شویو پروژو کې کاریزونو، چکډیمونو، استنادي دیوالونو او کانالونو شامل دي.
د ورکړل شویو معلوماتو له مخې یادې پروژې د ۳ میاشتو په ترڅ کې د شاوخوا ۱۹۰ زره امریکايي ډالرو په مالي لګښت بشپړې او ګټېاخیستنې ته سپارل شوي دي.
له دې وړاندې هم دغه ولایت کې ورته پروژې پیل او ګټېاخیستنې ته سپارل شوي چې خلکو ته یې اسانتیاوې هم رامنځته کړې دي.
سلاموطندار پر ټویټر هم وڅارئ
د یاد ولایت اوسېدونکو له سرپرست حکومت او موسسو غواړي چې یاد ولایت کې ورته نورې پروژې هم پلې کړي.