د سره صلیب نړیوالې کمېټې د افغانستان څانګې (ICRC Afghanistan) اعلان کړی چې په تېر میلادي کال کې یې له ۲۱۸زرو څخه ډېرو معلولیتلرونکو کسانو ته د فزیکي بیارغونې خدمتونه وړاندې کړي دي.
یادې ادارې نن (چهارشنبه، سلواغې ۲۲مه) پر اېکس (پخواني ټویټر) لیکلي چې دا خدمتونه د هېواد په اوو فزیکي بیارغونې مرکزونو کې شوي چې پهکې مصنوعي غړي (پروتزونه)، فزیوتراپي او د توانورکړې، نورې طبي پاملرنې شاملې وې.
د سره صلیب نړیوالې کمېټې پر خپله اېکسپاڼه لیکلي: «د تحرک بېرته ورګرځول، د کرامت بېرته ورګرځول دي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د دې ادارې په وینا، یاد خدمتونه د دې لامل شوي چې معلولیتلرونکي کسان خپلواکي بېرته ترلاسه کړي او یو ځل بیا د ټولنې په عادي ژوند کې ونډه واخلي.
د رسنیو د راپورونو له مخې، افغانستان د لسیزو جګړو، ماینونو او ناچاوده توکو له امله د معلولیتلرونکو کسانو له سترې ستونزې سره مخ دی.
د بشري بنسټونو په باور، د فزیکي او رواني بیارغونې دا ډول پروګرامونه د زرګونو کورنیو د ژوند د ښهکېدو لپاره حیاتي ارزښت لري.