د میدانوردګ د نوي والي ملا خیراالله خیرخواه د دندې پيل مراسمو کې د کورنیو چارو وزارت مرستیال په ګډون د ا.ا لوړو پوړو چارواکو، دغه ولایت مسوولانو او قومي مشرانو ګډون کړی وو.
جوړې شوې غونډې ته د کورنیو چارو وزارت لومړي مرستیال مولوي محمدنبي عمري د پخواني والي قاري بختیار معاذ لاستهراوړنې وستایلې او د میدانوردګ له مسؤولینو او ځايي اوسېدونکو یې وغوښتل چې نوي والي سره په ټولو چارو کې همکاري وکړي.
د میدانوردګ نوي والي ملا خیراالله خیرخواه جوړې شوې غونډې په ترڅ کې ژمنه وکړه چې د شته امکاناتو په صورت کې به دغه ولایت اوسېدونکو ته په بېلابېلو برخو کې خدمت کوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
نوموړي وویل، اسلامي امارت مشرتابه چې کوم مسؤولیت ورته سپارلی په ښه توګه به یې ترسره کړي.
بلخوا د میدانوردګ علماوو شورا ریيس مولوي عبدالهادي فضلي د پخواني والي لاستهراوړنې وستایل یې او زیاته یې کړه چې په تېرو څو کلونو کې یې د میدانوردګ ولسونو ته په بېلابېلو برخو کې خدمتونه کړي دي.
د نوموړي په وینا، د دغه ولایت ولسونه د شته نظام ملاتړ کوي او مسؤلو ادارو ته پکار ده چې د ولس ته اساسي خدمات برابر کړي.
هېره دې نهوي چې د میدانوردګ نوي والي ملا خیرالله خیرخواه له دې وړاندې د افغانستان د اطلاعاتو او فرهنګ وزارت د سرپرست په توګه دنده ترسره کوله.