د اسراییلو پوځ اعلان کړی چې د غزې ښار پروړاندې د پلان شوي برید په موخه به شاوخوا ۵۰زره ریزرف سرتېري بېرته پوځ ته ور وبلل شي.
د پوځ یوه لوړپوړي چارواکي د چهارشنبې پر ورځ ویلي، سره له دې چې دومره ریزرف ځواکونه به راوغوښتل شي، خو د عملیاتو اصلي مسؤلیت به د اسراییلو د پوځ د فعالو قطعاتو پر غاړه وي.
د چارواکي په وینا، د ریزرف ځواکونو د رابللو خبرتیاوې به په راتلونکو ورځو کې خپرې شي او ټاکل شوې چې دغه سرتېري د سپټمبر میاشت کې خپلې دندې پیل کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اسراییل د پوځ د دې پرېکړې هدف دا ښودل شوی چې د غزې تر ټولو لوی ښار چې ګڼشمېر ملکي وګړي پکې مېشت دي، د نظامي عملیاتو په وسیله ونیسي.
نړیوالې سرچینې اندېښنه لري چې د اسراییل د نویو عملیاتو په صورت کې به د غزې اوسېدونکي له لا زیاتو ملکي تلفاتو، کورونو ورانېدو او انساني بحران سره مخ شي.
دغه پلان په داسې حال کې اعلانېږي چې د اسراییل او حماس ترمنځ جګړه لاهم روانه ده او د دواړو لورو ترمنځ د نښتو شدت ورځ تر بلې ډېرېږي.