اسراییلي رسنیو راپور ورکړی چې د ایران له لوري د څو توغندیو تر ویشتلو وروسته د اسراییلو په مرکزي سیمو کې زیانونه او چاودنې ثبت شوې دي.
ځینې توغندي د هوايي دفاعي سیستمونو لهخوا شنډ شوي، خو ځینې نور خپلو هدفونو ته رسېدلي دي.
د اسراییلو دولتي راډیو «کان» ویلي چې په بېلابېلو سیمو کې د توغندیو د لګېدو څو ځایونه ثبت شوي دي. د راپور له مخې، یو موټر اوښتی، خو د تلفاتو راپور نه دی ورکړل شوی.
د «ټایمزافاسراییل» ورځپاڼې د ژغورنې خدماتو له قوله ویلي چې دغه زیانونه د ایران د بالستیک توغندي د خوشهیي (کلسټر) مهماتو له امله رامنځته شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، د ریشون لېزیون (Rosh Haayin) او رامات هاشارون (Ramat Hasharon) ښارونه هم د اسراییلو له هغو سیمو څخه دي چې په دې بریدونو کې اغېزمن شوي دي.
تر اوسه د اسراییلو د پوځ له لوري د زیانونو په اړه بشپړ رسمي شمېرې نه دي خپرې شوې، خو وضعیت تر څار لاندې بلل کېږي.