هندي رسنیو نن (یکشنبه، جوزا څلورمه) د دغه هېواد د چارواکو په خبره ویلي چې افغانان په ځانګړي ډول سوداګر، ناروغان، لوبغاړي او هنرمندان کولی شي د ویزو غوښتنه وکړي.
که څه هم د هند حکومت په دې تړاو څه نه دي ویلي، خو «هندو ورځپاڼې» د حکومتي سرچینو په خبره ویلي چې دا بهیر د یوه انلاین فورم پر بنسټ د اپریل میاشتې په وروستۍ اونۍ کې پیل شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هند دا ګام داسې مهال اخلي چې تېره اونۍ یې د بهرنیو چارو وزیر جېشنکر د اسلامي امارت د بهرنیو چارو وزیر امیرخان متقي سره ټيلیفوني خبرو کې پر دوه اړخیزو اړیکو، سوداګرۍ، افغانانو ته د ویزو پر آسانتیا او سیمهییز ثبات خبرې او بحثونه کړي وو.
د یادونې ده چې هند ۲۰۲۱ میلادي کال کې د اسلامي امارت له بیا ځلې واکمنېدو وروسته افغانستان کې خپلې سیاسي استازولۍ وتړلې او افغانانو ته یې د ویزو د ورکړې بهیر هم وځنډاوه.