د هند کرېکټ ملي لوبډله نن په خپل کوربهتوب د روان یو ورځنیو سیالیو نړیوال جام کې د نیوزیلنډ کرېکټ ملي لوبډلې پر وړاندې نیمهپای لوبه کې لوبېږي.
ټاکل شوې چې دغه لوبه نن چهارشنبه د نومبر ۱۵مه د هند د ممبی په «وانګېډې کرېکټ لوبغالي» کې ترسره شي.
هند په روان نړیوال جام کې تراوسه نهه لوبې کړي او ټولې یې ګټلې دي. هند په ګروپ پړاو کې نهه سیالي وکړې او ټولې یې په یوه اړخیزه توګه وګټلې.
د نیوزیلنډ کرېکټ ملي لوبډلې بیا له نهو سیالیو پنځه وګټلې او څلور وبایللې او د څلورمې لوبډلې په توګه یې نیمه پایلوبې ته لاره پیدا کړه.
سلاموطندار پر ټویټر هم وڅارئ
هند له نیوزیلنډ سره په کړیو وروستیو پنځو یو ورځنیو سیالیو کې څلور لوبې ګټلي او یوه لوبه د باران له کبله بېپایلې پای ته رسېدلې ده.