د پکتیکا په یوسفخېلو ولسوالي کې د سیمې خلکو په شخصي لګښت د «خوشحال بابا» په نوم لېسې کې د يوې نوې ودانۍ د جوړېدو چارې پيل شوې.
د پکتیکا مقام څخه په خپره شوې خبرپاڼه کې ليکل شوي چې «يکشنبه، غبرګولي شپږمه» د یوسفخېلو ولسوالي اوسېدونکو لهخوا په درې میلیونه افغانيو دغه ښوونځي کې د یوې بلې نوې ودانۍ د جوړېدو چارې پیل شوې.
د سلاموطندار پښتو فېسبوکپاڼه وڅارئ
په خبرپاڼه کې ویل شوي چې د خوشحال بابا په نوم لېسه کې د زدهکوونکو لپاره ودانۍ شته، خو د زدهکوونکو شمېر ډېر دی او اړتیا وه چې نوې ودانۍ ورته جوړه شي.
یاده ودانۍ چې اته درسي خونې او نورې د اړتیا وړ اسانتیاوې به ولري، د سیمې د خلکو په شخصي لګښت رغول کېږي.
د دې ودانۍ په رغېدو سره به شاوخوا ۵۰۰ زدهکوونکو ته د زدهکړو لپاره مناسب چاپېریال برابر شي.
په خبرپاڼه کې د سيمې د خلکو له قوله ليکل شوي چې د ودانی نشتون له امله د خوشحال بابا د ښوونځي ګڼشمېر زدهکوونکي د زدهکړو پرمهال له ستونزو سره مخ دي.