د برښنا شرکت ویلي، د دغه شرکت د کارکوونکو پرلهپسې هڅو په پایله کې د ازبیکستان د وارداتي برښنا لیږد دویم سرکټ بیرته ونښلول شو.
د دې سرکټ له بیا نښلېدو سره به د ۱۲ ولایتونو پروان، پنجشېر، کاپیسا، کابل، لوګر، پکتیا، خوست، ننګرهار، لغمان، میدان وردګ او غزني برښنا عادي حالت ته وګرځېده.
برښنا شرکت تر دې وړاندې ویلي وو، د پلخمري ـ کابل پر لویهلار د ۲۲۰ کیلوولټه وارداتي برښنا مزی د شدیدو ورښتونو له امله زیانمن شوی.
د دې مزي د پرېکېدو له کبله، په ګڼو ولایتونو کې د برښنا کمښت او پرلهپسې پرچاوۍ رامنځته شوېوه.