د افغانستان لپاره د سره صلیب نړیوالې کمېټې څانګه وايي چې افغانستان ک له جګړو پاتې ماینونه او مهمات د افغانانو ژوند له ګواښ سره مخ کړی دی.
یاد بنسټ دغه څرګندونې نن جمعه، وري ۱۵مه د «ماینونو خطر په اړه د عامه پوهاوي» نړیوالې ورځې په مناسبت کړي دي.
دغه بنسټ پر خپل وېبپاڼه خپور کړي راپور کې ویلي چې تېر کال افغانستان کې له جګړو د پاتې ناچاودو توکو او ماینونو له امله ۵۶۴ کسان وژل شوي دي.
د راپور پر بنسټ، په وژل شویو کې ۴۳۴ ماشومان هم شامل دي.
د راپور په یوه برخه کې ویل شوي: «ماینونه او نور ناچاوده توکي نه یوازې ورځنی ژوند ټکنی کوي او اقتصادي پرمختګ شاتګ ته بیايي، بلکې دردونکی ناورین په ځانګړې توګه د ماشومانو ترمنځ رامنځته کوي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د سره نړیوالې کمېټې د افغانستان څانګې همداراز زیاته کړې چې د ۲۰۲۳ او ۲۴ کلونو پرمهال یې، د افغاني سرې میاشتې ټولنې په همکاري افغانستان کې پر ماینونو او ناچاودو توکو پوښلو پنځو سیمو کې شاوخوا ۱۰۰ داوطلب لپاره عامه پوهاوی ورکړی دی.
د ملګروملتونو له لوري په ۲۰۰۵کال کې د اپرېل څلورمه نړۍ کې له جګړو د پاتې ناچاوده توکو او ماینونو د خطرونو په اړه د عامه پوهاوي نړیوالې ورځې په توګه ټاکل شوې ده.
له هغه راهیسې دغه ورځ هر کال د نړۍ په بېلابېلو هېوادونو کې له جګړې پاتې ناچاوده توکو او ماینونو اړوند ګواښونو په د عامه پوهاوي او نورو پروګرام له لارې نمانځل کېږي.