د لبنان حزبالله ډلې ویلي چې د اسراییلو پر سرتېرو یې د راکټونو او توپچي بریدونه کړي دي.
د حزبالله په وینا، د اسراییلي ځواکونو پر یوې ډلې یې د «کالف هیل» په نوم سیمه کې چې د کفر یووال مېشتځای شمال ته موقعیت لري، راکټي برید کړی دی. دغه ډله وایي چې هدف یې د اسراییلي پوځ هغه سرتېري وو چې په یاد ځای کې ځای پر ځای شوي وو.
حزبالله همدارنګه ویلي چې د لبنان د میسالجبل سرحدي ښار ته څېرمه د «جبیا» په نوم نقطه کې یې د اسراییلي سرتېرو پر پوستو توپچي ډزې هم کړې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، د نن ورځې په اوږدو کې دا د حزبالله له لوري د بریدونو څلورمه ادعا ده.
تراوسه د اسراییلو له لوري د دغو بریدونو په اړه رسمي غبرګون نه دی خپور شوی. د لبنان او اسراییلو ترمنځ سرحدي سیمو کې په وروستیو میاشتو کې د نښتو او بریدونو پېښې زیاتې شوې دي.