د پکتيا د کرنې، اوبولګولو او مالدارۍ رياست مسوولان وايي چې دغه ولایت کې د تېرې اوونۍ پرمهال د راوتلیو سېلابونو له امله ۱۶۳۰ جریبه کرنیز فصلونه لهمنځه تللي دي.
د دوی په وینا، سېلابونه په زرمت، روحاني بابا او احمدابا ولسواليو کې راوتلي دي. د پکتيا د کرنې رياست د ترويج عمومي مدير عزيزالله کريمي سلاموطندار ته وايي، راوتلیو سېلابونو سلګونه مېوهلرونکې او بېمېوې ونې لهمنځه وړي دي.
د سلاموطندار پښتو فېسبوکپاڼه وڅارئ
نوموړي زیاته کړه چې پر یاده ځمکه بانجان، کچالو، لوبيا، هندواڼې او ځينې نور فصلونه کرل شوي وو د يادو سيمو يوشمېر بزګران هم وايي چې د سېلابراوتلو او ږلۍ له امله يې ډېری فصلونه لهمنځه تللي دي.
د روحانيبابا ولسوالي یوه بزګر حبيبالله وويل چې سيمه کې يې د ږلۍ او سېلابراوتو له امله د کچالو، لوبيا او بانجانو ټول رسېدلي فصلونه خراب شوي دي.
دغه بزګران له کرنې ریاست او مرستندویه موسسو د همکاري غوښتنه کوي. پکتیا او نورو ولایتونو کې هم د اورښتونو له امله وخت ناوخت سېلابونه راوځي چې پرمهال کرنه زیانمنوي او خلکو ته مالي زیانونه وراړوي.